2019 оны Дэлхийн цом Якутад болж магадгүй

ОХУ-ын бөхийн холбооны ерөнхийлөгч Михаил Мамиашвили 2019 оны Дэлхийн цомын тэмцээнийг зохион байгуулах хүсэлтээ ДБНХ (UWW)-нд өгчээ


Хэрэв ДБНХ оросуудын хүсэлтийг хүлээн авсан тохиолдолд ирэх жилийн Дэлхийн цомын тэмцээнийг гуравдугаар сарын 15-18-нд Якутад зохион байгуулахаар төлөвлөсөн байна. Дэлхийн цомын тэмцээнд өмнөх ДАШТ-ий эхний найман байр эзэлсэн улс оролцдог уламжлалтай. Будапештын ДАШТ-д ОХУ, АНУ, Гүрж, Куба, Япон, Иран, Монгол, Турк эхний найман байрыг эзэлснээрээ ирэх жилийн Дэлхийн цомд өрсөлдөх эрхээ авсан юм. Оросууд өмнө нь эрэгтэйчүүдийн Дэлхийн цомын тэмцээнийг дөрвөн удаа хүлээн авсан бөгөөд 2007 онд Красноярск, 2008 онд Владикавказ, 2010 онд Москва, 2011 онд Каспийскэд тус тус зохион байгуулж байв.